Loyiha “Marketing” toifasida “Tajriba va brendni faollashtirish” nominatsiyasida oltin, “Matbuot va tashqi reklama” toifasida “G‘oyalar” nominatsiyasida va “Media” toifasida “Bosma materiallardan ijodiy foydalanish” nominatsiyasida kumush, “Strategiya” yo‘nalishida bronza medalini qo‘lga kiritdi.
XAVFSIZ HARAKAT loyihasi doirasida yorug‘likni aks ettiruvchi elementlari bo‘lgan, kattalar va piyoda bolalarni yo‘llarda yaxshiroq ko‘rinishiga xizmat qiladigan sumka-shopperlar ishlab chiqildi. GROSS sug‘urta kompaniyasi, Uzum jamoasi, Toshkent shahar IIBB va Vazari marketing agentligi maktab o‘quvchilari uchun bir qator tadbirlar o‘tkazdi, ularda yo‘llarda o‘zini tutish qoidalari haqida so‘zlab berildi va bolalarga piyodalar o‘tish joyi belgisi tushirilgan sumkalar sovg‘a qilindi. 1-iyun kuni esa Uzum Market tarqatish punktlariga farzandlari bilan buyurtma olish uchun kelgan barcha mijozlar sovg‘a sifatida shopperlarga ega bo‘lishdi.
“Yo‘llarda xavfsizlikni ta’minlash mamlakatimizdagi dolzarb masalalardan biri. GROSS sug‘urta kompaniyasi sifatida polis egalariga yo‘l-transport hodisalarida shikastlangan avtomobillarni ta’mirlash xarajatlarini qoplaydi. Lekin, afsuski, YTHda jabrlangan insonning sog‘lig‘ini qaytarib berish bizning irodamizga bog‘liq emas. Biznesning ijtimoiy mas’uliyati tamoyillariga amal qilgan holda, 2023-yilda xavfsiz yo‘l harakatini targ‘ib qilish va shahar muhitini yaxshilash bo‘yicha katta loyihani boshladik. Bugungi kunda XAVFSIZ HARAKAT ijtimoiy loyihasi befarq bo‘lmagan odamlar, biznes va hokimiyatning birgalikdagi sa’y-harakatlari bilan biz qulay va xavfsiz hayot uchun ko‘p narsa qila olishimizni isbotlamoqda”, — deydi GROSS sug‘urta kompaniyasi boshqaruvi raisi o‘rinbosari Kamoliddin Beknazarov.
“Toshkent shahar IIBB kompaniyani davlat darajasida qo‘llab-quvvatlashni ta’minlash maqsadida XAVFSIZ HARAKAT ijtimoiy loyihasining hamtashkilotchisiga aylanib, tashabbusni qizg‘in qo‘llab-quvvatladi. Ushbu hamkorlik Toshkent shahrida yo‘l-transport hodisalarining oldini olish tadbirlarida o‘zaro yordam ko‘rsatishga qaratilgan. Aynan eng oddiy qoidalarga amal qilish ko‘plab insonlarning hayoti va sog‘lig‘ini saqlab qolish imkonini beradi, oilalarni fojialardan asraydi, bolalarning yetim qolishiga yo‘l qo‘ymaydi, ota-onalar, turmush o‘rtoqlar, do‘stlar va yaqinlarning hayotini saqlab qoladi”, — deydi Toshkent shahar IIBB boshlig‘ining matbuot kotibi — Axborot multimedia markazi boshlig‘i, podpolkovnik Nilufar Isaxanova.
“Loyiha ijtimoiy muammolarni hal qilish uchun ijodiy yechimlarni joriy etish bo‘yicha missiyamizning muhim qismiga aylandi. Bizning ishimiz Red Jolbors festivalida e’tirof etilganidan faxrlanamiz. Ushbu loyiha ijodkorlik va mas’uliyat yonma-yon yurishi mumkinligini ko‘rsatib, yo‘llarda hayotni saqlab qolishga yordam beradi”, — deb qayd etdi "Sintez" agentligi direktori Farrux Sharif.
“Uzum Market jamoasi butun mamlakat bo‘ylab ulkan infratuzilmani barpo qildi — va bu infratuzilma odamlarga yordam berishi mumkin va oddiy vazifalarni yechishni oson hamda xavfsiz qilishi kerak. Garchi bu vazifa yo‘lni kesib o‘tish bo‘lsa ham, YTH statistikasiga ko‘ra, bu har doim ham oson emas, — deydi Uzum kompaniyasining tashqi aloqalar va ESG loyihalari bo‘yicha direktori Mariya Skorik. — “Sintez” va GROSSdagi hamkasblarimiz bilan birgalikda biz bolalar va kattalar xavfsizligiga o‘z hissamizni qo‘shishga harakat qildik, Uzum Market esa xarid sumkalarining ommabopligini ta’minlash va ularni butun mamlakat bo‘ylab yetkazib berishni o‘z zimmasiga oldi”.
“XAVFSIZ HARAKAT loyihasi tobora ko‘proq e’tibor qozonayotganini kuzatish quvonarli. Bu esa tobora ko‘proq haydovchilar yo‘l harakati qoidalariga rioya qilish muhimligini tushunib, piyodalar va boshqa harakat ishtirokchilariga e’tiborli bo‘lib borayotganini anglatadi. Ammo XAVFSIZ HARAKAT loyihasi bu bilan to‘xtab qolmaydi! Yana ko‘plab muhim qadamlar rejalashtirilgan, ularning har biri bizni xavfsizroq yo‘llarga, inson hayotini saqlab qolishga yaqinlashtiradi”, — deya o‘z fikrlari bilan o‘rtoqlashdi VAZARI kompaniyasining boshqaruvchi hamkori Veronika Komarova.
XAVFSIZ HARAKAT — xavfsiz yo‘l harakatini targ‘ib qiluvchi keng ko‘lamli ijtimoiy loyiha. Loyiha tadbirlari xavfsiz piyodalar o‘tish joylarini tashkil etish, haydovchilik madaniyatini oshirish, transport vositalari yo‘lovchilari xavfsizligini ta’minlash, qulay shahar muhitini yaratish kabi yo‘l harakati muammolariga e’tibor qaratishga qaratilgan.
Loyiha GROSS sug‘urta kompaniyasi tashabbusi bilan Toshkent shahar IIBB, O‘zbekiston Respublikasi Yoshlar ishlari agentligi, Uzum kompaniyasi, “Sintez” kreativ agentligi va ommaviy axborot vositalari (My5 – Mening yurtim telekanali, Renessans TV, Platina.uz) hamkorligida boshlangan. Loyihani VAZARI marketing agentligi olib bormoqda. 2023-yil oktyabr oyida boshlanganidan beri loyihaning umumiy qamrovi 12 milliondan ortiq kishini tashkil etdi.
XAVFSIZ HARAKAT loyihasining muhim tadbirlari:
● “Belgilar” kampaniyasi. Rioya qilmaslik ko‘pincha yo‘l-transport hodisalariga olib keladigan yo‘l belgilari haqidagi axborot butun mamlakat bo‘ylab LED-ekranlarga joylashtirildi.
● Yo‘ldan o‘tish belgisi bo‘lgan yorug‘lik qaytaruvchi shopperlar. XAVFSIZ HARAKAT maktab o‘quvchilarining yo‘llarda ko‘zga tashlanishiga yordam berdi.
● Yulduzlar qo‘llab-quvvatlashi. Anvar Jo‘rayev va reper Konsta XAVFSIZ HARAKAT loyihasi uchun maxsus “Yashagim kelar” musiqiy kompazitsiyasini yozib olishdi va avtohalokatdan omon qolgan odamlar bilan birgalikda klipda suratga tushishdi.
● Baxt maktublari. Yil davomida yo‘l harakati qoidalarini buzmagan haydovchilar uchun maxsus shartlarda avtosug‘urta taqdim etildi.
● Xalqaro Toshkent marafoni. XAVFSIZ HARAKAT loyihasi O‘zbekiston Yengil atletika federatsiyasini qo‘llab-quvvatlab, Kids Run, Shimolcha yurish musobaqalari g‘oliblari va ishtirokchilariga hamda imkoniyati cheklangan sportchilarga qimmatbaho sovrinlar va sovg‘alar topshirdi.
● Bolalarni himoya qilish kuni. Toshkentdagi Uzum Market’ning 34 ta shoxobchasida ota-onalari bilan birga buyurtma olish uchun kelgan bolalarga yorug‘lik qaytaruvchi shopperlar sovg‘a qilindi.
● Piyodalar uchun xavfsiz muhitga e’tiborni jalb qilish maqsadida Toshkent bo‘ylab 100 kilometrlik masofa piyoda bosib o‘tildi.
Jolbors Festival — Markaziy Osiyodagi yetakchi reklama festivallaridan biri bo‘lib, har yili MDH mamlakatlarining ijodiy sanoat vakillarini bir joyga to‘playdi.
